2015 оны 10 дугаар сарын 15 ны өдөр тус эмнэлэг “Төрийн орон сууцны корпораци” төрийн өмчит үйлчилгээний газартай 2015-2016 онд хамтран ажиллах талаар санамж бичигт гарын үсэг зурлаа.
Сургалт, судалгаа эмнэлгийн мэргэжилтнйи хөгжлийн албанаас 10 сарын 15, 16-ны өдрүүдэд 2015-2017 оны хичээлийн жилд тус эмнэлгийн үндсэн болон төрөлжсөн мэргэжлийн төгсөлтийн дараах сургалтанд элсэгчдэд зориулсан чиглүүлэх сургалтыг зохион байгууллаа.
Тус эмнэлгийн хүүхдийн зүрхний мэс заслын баг өнгөрсөн 10 сарын 02-ноос 10-ны өдрүүдэд БНСУ-ын Сөүлийн Үндэсний Их Сургуулийн эмнэлгийн Хүүхдийн цээжний хөндийн мэс заслын Ким Үн Хан профессорын багтай хамтран манай улсад хараахан эмчлэх боломжгүй, зайлшгүй гадаадад эмчлүүлэх шаардлагатай байгаа төрөлхийн хавсарсан хүнд гажигтай хүүхдүүдэд өндөр өртөг бүхий мэс засал эмчилгээг үнэ төлбөргүй хийж тусламж үйлчилгээ үзүүллээ.
Дэлхийн хүнсчдийн өдрийг тохиолдуулан 2015 оны 10 дугаар сарын 16-ны өдөр Эмчилгээний хоол судлалын тасгаас санаачлан “ ЭРҮҮЛ ХҮНС-ЗӨВ ХООЛЛОЛТ-УРТ НАСЛАЛТ” сэдэвт нээлттэй өдөрлөг эмнэлэг дээр зохион байгууллаа.
Эрүүл мэнд, спортын яамнаас оюутан залуучуудын холбоотой хамтран хөдөлгөөний хомсдол, халдварт бус өвчлөлийг бууруулахад хувь хүний оролцоог нэмэгдүүлэх зорилгоор “Утаагүй нийслэл-2015” бүх нийтийн марафон гүйлтийг “Цэвэр агаар-Эрүүл амьдрал” уриан дор 2015 оны 10-р сарын 3-ны өдөр Үндэсний цэцэрлэгт хүрээлэнд зохион байгуулан явуулав. Уг үйл ажиллагаанд эмнэлгийн хамт олон идэвхтэй оролцлоо.
ШУГТЭ-ийн Сэтгэлд нийцсэн найрсаг угтах үйлчилгээг үйл ажиллагаандаа нэвтрүүлэн ажиллаж иргэд үйлчлүүлэгчдийг хүссэн үйлчилгээгээ шуурхай авахад дэмжлэг үзүүлж чиглүүлэх үүрэг бүхий угтах үйлчилгээний загварыг гаргаж түүнийгээ хэвшүүлэх зорилгоор Сувилахуйн алба, Соёл үйлчилгээний албатай хамтран 2015 оны 10-р сарын 01-ны өдөр ”Сэтгэлд нийцсэн найрсаг угтах үйлчилгээний загвар боловсруулах нь“ сэдэвт аян зохион явууллаа.
Олон улсын ахмадын өдрийг тохиолдуулан тус эмнэлэг дээр 9-р сарын 30-ны өдөр эмнэлгийн захиргаанаас санаачлан “Эмнэлгийн хөгжилд бидний хувь нэмэр” сэдэвт ахмад настнуудын хэлэлцүүлэг зохион байгуулав. Хэлэлцүүлэгт эмнэлгийн 200 гаруй ахмад настнууд оролцон эмнэлгийн хөгжил дэвшилд өөрсдийн үзүүлэх дэмжлэг тусламж, цаашид эмнэлгийн ажлыг сайжруулахад юуг анхаарах талаар санал бодлоо илэрхийллээ.
УГТЭ-ийн ангиографийн оношилгоо эмчилгээний тасаг, зүрхний шигдээсийн тасаг, сэхээн амьдруулах тасаг, зүрх судлалын тасгийн эмч мэргэжилтнүүд эмэнд тэсвэртэй цусны даралт ихсэх өвчтэй өвчтөнд бөөрний артерийн мэдрэлжүүлэлтийг судсан дотуурх мэс заслын аргаар түлж таслах эмчилгээг (Renal Denervation therapy) анх удаа өөрсдөө бие дааж амжилттай хийлээ.
П.Н.Шастины нэрэмжит Улсын гуравдугаар төв эмнэлэг “Хүн бүрт Эрүүл орчин-Эрүүл зүрх“ уриан дор явагдсан дэлхийн зүрхний өдөрт зориулж Зүрх судлалын тасгаас нээлттэй хаалганы өдөрлөгийг зохион байгууллаа. Өдөрлөгийн хүрээнд оролцсон бүх үйлчлүүлэгч иргэдэд цусны даралтыг хэмжиж, хөдөлгөөний хомсдол, тамхины хорт зуршил зэргийн талаар өртөөлсөн эрсдэлийн үнэлгээг 200 гаруй хүнд, цусан дахь холестерины хэмжээг 30 хүнд тодорхойлж, зөвлөгөө өглөө.
Оюутны эрүүл мэндийг дэмжих сарын аяны хүрээнд ЗҮТМСС-ны Өнөөдөр төв АШУИС, Техник Технологийн дээд сургуулийн оюутнуудад “Гар угаах дадал”, “Өглөөний хоолыг өөртөө” сэдвээр сургалт, сурталчилгаа зохион байгууллаа
Тус эмнэлгийн лаборторийн нэгдсэн тасагт Францын Biomerieux компаний албан ёсны төлөөлөгч болох “Гялс Анагаах Ухааны Төв”-өөс Иммунологийн шинжилгээний бүрэн автомат ажиллагаатай хамгийн сүүлийн үеийн шинэ VIDAS анализатор аппаратыг үнэ төлбөргүй нийлүүлж суурилуулж өглөө.
Тус эмнэлэг Улсын хэмжээнд тархи, мэдрэлийн мэс заслын тусламж үйлчилгээг 50 гаруй жил дагнан гүйцэтгэж ирсэн түүхтэй билээ. Удахгүй хэдхэн сарын дараа Монгол улсад Мэдрэлийн мэс заслын алба, тасаг үүсгэн байгуулагдсаны 50 жилийн ой тохионо. Энэхүү түүхэн ойг угтан эмнэлгийн захиргаа Мэдрэлийн мэс заслын тасагт нурууны мэс заслын хагалгааны багаж хэрэгслийн иж бүрдлийг хүлээлгэн өглөө.
Тарваган тахал нь Yersinia pestis савханцараар үүсгэгддэг, мэрэгч амьтдаас хүнд халдварладаг байгалийн голомтот хурц халдварт өвчин юм. Тарваган тахлаар тарвага, зурам, үхэр огодой, үлийн болон гэрийн цагаан оготно, чичүүл зэрэг мэрэгчдээс гадна хүн өвчилдөг. Өвчин үүсгэгчийг мэрэгчдийн дунд бүүрэг дамжуулдаг. Өвчин үүсгэгч нь бүүрэгний ходоод, мэрэгчдийн нүх, ноохой, газрын хөрс, хүйтэн чийгтэй нөхцөлд олон сарын турш амьдрах чадвартай.
П.Н. Шастины нэрэмжит Улсын Гуравдугаар Төв Эмнэлгийн нүдний мэс заслын тасгийн хамт олон, БНСУ-ын “Ай чойс ЭЛ-ЭС-ТИ” нүдний эмнэлгийн захирал, профессор Сун Тэк Лим тэргүүтэй мэс заслын багынхантай хамтран Монгол улсын эрүүл мэндийн салбарын хэмжээнд анх удаа улсын эмнэлэг дээр торлог шилэнцрийн мэс заслыг амжилттай хийлээ.
СЗЭТ, ЭЗҮТМСС-ны Баг хамтран дараах “ЭРҮҮЛ ИДЭВХТЭЙ ХӨДӨЛГӨӨН” сэдэвт үйл ажиллагааг 2015.08.03 – 2015.08.07-ны хооронд амжилттай хийж гүйцэтгэсэн. 2015/08/07-ны өдөр “Хөдөлгөөн эрүүл мэнд” зөвлөх поликлинийн үйлчлүүлэгчдэд өдөрлөг зохион байгууллаа.
Аяны хүрээнд тасаг нэгжүүд “Гараа хэрхэн зөв угаах” талаар бүлгийн сургалтыг лекц хэлбэрээр явуулсан. Энэ сургалт лекцэд нийт 310 эмч сувилагч хамрагдсан байна. Сургалт явуулахын өмнө гар угаах шалгуураар шалгахад 83% хувьтай сургалт явуулсаны дараа шалгахад 95%-тай болсон байна.
Эрүүл мэндийн салбарын ажилтны өдрийн мэнд дэвшүүлье.
Солонгос Улсын Данкүүк их сургуулийн профессор Ким Ён Жун, ШУГТЭ-ийн зөвлөх эмч Батчулуун, ММЗТ-ийн эмч З.Ганбаатар, АОЭТ-ийн эмч Н.Баатаржан нар Монгол улсад анх удаа тархины судсан доторхи мэс засал хийлээ. Энэ удаа тархины судасны цүлхэн битүүлэх, тархины судасны гажиг сүлжээг бөглөх, тархины хавдрын тэжээгч судсыг бөглөх хагалгааг амжилттай хийлээ. Эдгээр хагалгаа нь гүн мэдээгүйжүүлэлтийн дор гавал ясыг нээхгүйгээр хийгддэг давуу талтай. Цаашид манай эмч нар эдгээр хагалгааг өөрсдөө бие даан хийх бүрэн боломжтой юм.
2015 оны 07 дугаар сар 28 – ны 11,00 цагт ШУГТЭ – ийн төв хаалга болон зөвлөх поликлиникт “Элэгний үрэвслээс сэргийлэх Дэлхийн өдөр” - 2015 он “Элэгний үрэвслээс урьдчилан сэргийлье” уриан дор ард иргэдэд зориулсан нээлттэй хаалганы өдөрлөгийг зохион байгуулав.
Үндэсний их баяр наадмын мэнд дэвшүүлье. САЙХАН НААДААРАЙ