2017 оны 11 дүгээр сарын 28-ны өдөр тус эмнэлгийн  сувилагч тусгай мэргэжилтнүүдийн дунд “Амилуулах суурь тусламж үйлчилгээ үзүүлэхэд сувилагчийн оролцоо III ” сэдэвт уралдаан тэмцээнийг зохион байгууллаа.

Энэхүү тэмцээн уралдаан нь сувилагч тусгай мэргэжилтнүүдийн мэдлэг, ур чадвар, хандлагыг сайжруулж амилуулах тусламж үйлчилгээг богино хугацаанд стандарт, удирдамжийн дагуу чанартай түргэн шуурхай үзүүлэх, багаар ажиллах чадварыг дээшлүүлэх, дадлагажуулах, чадавхжуулах зорилгоор зохион байгуулсан бөгөөд тэмцээнд тус эмнэлгийн Уушиг судлалын тасаг, Хоол боловсруулах эрхтэн судлалын тасаг, Мэдрэл судлалын тасаг, Дотрын 11-р тасаг, Монголын уламжлалт эмчилгээний тасаг, Зүрх судасны тасаг, Бөөр дотоод шүүрлийн эрхтэн судлалын тасаг зэрэг дотрын чиглэлийн сувилагч мэргэжилтнүүдийн 6 баг оролцож 4 төрлийн мэргэжлийн ур чадвараар өрсөлдөж Нэгдүгээр байранд Уушиг судлалын тасгийн баг, Хоёрдугаар байранд Зүрх судасны тасаг, Гуравдугаар байранд Бөөр, дотоод шүүрлийн эрхтэн судлалын тасгийн сувилагч нарын баг хамт олноо тэргүүлж өргөмжлөл, мөнгөн шагналын эзэд боллоо.