Эрүүл мэндийн ажилтны нийгмийн хамгааллыг дэмжих сарын хүрээнд УГТЭмнэлэг эмч, ажилчдын дунд цусны даралт ихсэлтийн эрт илрүүлгийн судалгааг 503 эмч, ажилчдад хийсэн бөгөөд тус судалгаанд хамрагдсан ажилтнуудын 9.3 % нь тамхи татдаг, 21.1 % нь идэвхтэй хөдөлгөөн хийдэггүй, 24.1% нь цусны даралт ихэсдэг, 6.4 % нь цусны даралт бууруулах эмийг тогтмол хэрэглэдэг, 11.7% нь цусны даралт бууруулах эмийг тогтмол бус хэрэглэдэг дүн гарсан. Мөн судалгаанд хамрагдсан ажилчдын 11.5% нь цусны даралтаа өөрөө хянадаг бол 88.5% нь даралтаа огт хянадаггүй гэж тодорхойлогдсон байна. 

Иймд цусны даралт ихсэлтийн өндөр эрсдэлтэй, ажлын ачаалал ихтэй ажилладаг ажилчид цусны даралтаа өөрөө хянах боломжийг бүрдүүлэх зорилгоор мэс заслын хагалгааны 2 хэсэгт “Цусны даралт хэмжилтийн булан”-г байгуулсан бөгөөд тус санаачлагыг “Зөвлөх поликлиникийн тасаг”-ийн хамт олон гарган хэрэгжүүллээ. Цаашид энэхүү цусны даралт хэмжилтийн буланг дэмжин туслах тасаг, албадын ажилчдын амрах өрөө болон бусад мэс заслын хагалгааны ойролцоох хэсгүүдэд нээхээр төлөвлөсөн.