“ЭМНЭЛГИЙН ТУСЛАМЖ ҮЙЛЧИЛГЭЭТЭЙ ХОЛБООТОЙ ХАЛДВАРЫГ ИЛРҮҮЛЭХ ИДЭВХИТЭЙ ТАНДАЛТ” СЭДЭВТ СУРГАЛТ ЗОХИОН БАЙГУУЛЛАА

Улсын гуравдугаар төв эмнэлэгт Эрүүл мэндийн яам, “Эрүүл мэндийн салбар хөгжил хөтөлбөр-5” төслөөс үе шаттай хэрэгжүүлж буй эмнэлгийн хог хаягдлын менежмент, эмнэлгийн тусламж үйлчилгээтэй холбоотой халдвараас сэргийлэх, хянах төслийн хүрээнд “Эмнэлгийн тусламж үйлчилгээтэй холбоотой халдварыг илрүүлэх идэвхитэй тандалт” сэдэвт ажлын байран дээрхи дадлага сургалтыг 2019 оны 02 дугаар сарын 21, 22-ны өдрүүдэд зохион байгууллаа. 

Тус сургалтаар эмнэлгийн тусламж үйлчилгээтэй холбоотой халдварын хяналтыг илрүүлэх, идэвхитэй тандалтыг хийх арга аргачлал, эмнэлгийн тусламж үйлчилгээтэй холбоотой халдварын тохиолдлын судалгаа, лабораторийн шалгуур үзүүлэлт, бүртгэх, мэдээллэх, нян судлалын лабораторийн шинжилгээний хариуг тайлбарлах талаар мэдлэг олгох зорилгоор зохион байгуулсан бөгөөд “ЭМСХХ-5” төслийн зөвлөх багийн ахлагч, Канадын Олон улсын эрүүл мэндийн зөвлөх Лүйс Томалти удирдан явууллаа. Энэхүү сургалтанд УГТЭ-ийн чанарын менежер, эрчимт эмчилгээ, мэс заслын тасгийн эмч, сувилагч, тархвар судлаач, нян судлаач, сувилахуйн арга зүйч нар болон ХУД-ийн Нэгдсэн эмнэлгийн холбогдох эмч, ажилчдын төлөөлөл зэрэг нийт 30 гаруй эмч, эмнэлгийн мэргэжилтнүүд хамрагдлаа.