Монгол Улсын Онцгой комиссын шийдвэр, Шадар сайдын 33 дугаар тушаалын дагуу коронавируст халдвараас урьдчилан сэргийлэх, цар тахалтай тэмцэх хүч хэрэгслийн бэлэн байдлыг дээшлүүлэх зорилгоор зохион байгуулж буй “Ковид-19 халдварт цар тахлын үеийн харилцан ажиллагаа, хариу арга хэмжээ” дадлага сургуулилт өнөөдөр 8 цагаас эхэллээ. Уг сургуулилт 5 дугаар сарын 6-наас 8-ны хооронд 3 өдөр үргэлжлэх бөгөөд уг сургуулилтад Улсын Гуравдугаар Төв Эмнэлгийн “Шуурхай хариу арга хэмжээний баг”-ийн бие бүрэлдэхүүн амжилттай оролцож байна. Энэхүү сургуулилтын үеэр эмнэлгийн тусламж үйлчилгээ авч буй иргэд, үйлчлүүлэгчид айж цочирдолгүй, тайван үйлчлүүлнэ үү.