Улсын гуравдугаар төв эмнэлэг иргэд, үйлчлүүлэгчдийн тав тухтай орчин нөхцлийг бүрдүүлэх зорилгоор 3 дугаар өрөөг эрүүл мэндийг дэмжигч байгууллага “Сэнтрал Экспресс Си Ви Эс” ХХК-ийн дэмжлэгээр, 4 дүгээр өрөөг эмнэлгийн захиргаа дотоод нөөц бололцоогоор эмчлүүлэгчдийн ар гэрийнхэнд зориулсан нийт 91,96м2 талбай бүхий хүлээлгийн өрөөг шинээр засварлан тохижуулж ашиглалтанд оруулж байна. Уг өрөөнд ар гэрийнхэнд тусгайлан зориулсан эд зүйлсээ хадгалах, байршуулах шүүгээ, номын тавиур, буйдан сандал, ширээ, эмчлүүлэгчдийн биеийн байдлыг цаг тухай бүрт мэдээллэх дэлгэц, самбар, камержуулалт, суурин утас болон ариун цэврийн өрөө, тээш хадгалах хэсэг зэргийг гарган тохижуулсан. 

             Тус эмнэлгийн хувьд иргэд, үйлчлүүлэгч, эмчлүүлэгчдийн ар гэрийнхэнд зориулан 2017 онд 1 давхрын 16м2 талбайд мэс заслын болон эрчимт эмчилгээний тасгийн эмчлүүлэгчдийн ар гэрийнхэнд зориулсан хүлээлгийн өрөөг өргөжүүлэн тохижуулж, 2019 онд 2 давхрын 12м2 талбайд эрчимт эмчилгээний тасгаар үйлчлүүлэгчдийн ар гэрийхэнд зориулсан хүлээлгийн өрөөнүүдийг эмнэлгийн дотоод нөөц бололцоогоор болон “Барилгачин Залуучуудын Холбоо” ТББ-тай хамтран тохижуулан тасралтгүй ажиллуулж байна.

 
         Тус эмнэлгийн хэмжээнд өнөөдрийн байдлаар нийт 4 хүлээлгийн өрөө ажиллаж байгаа тул эмчлүүлэгчдийн ар гэрийнхэн, иргэд, үйлчлүүлэгч та бүхэн эмнэлгийн нийтийн эзэмшлийн зориулалтын бус хэсгүүдэд хэт олноороо цугларч, эмнэлгийн эмнэлгийн үйл ажиллагаанд хүндрэл учруулахгүй, эдгээр тусгайлан тохижуулсан хүлээлгийн өрөөгөөр үйлчлүүлж, халдвар хамгааллын дэглэмийг баримтлан, зөв боловсон ашиглаж, үйлчүүлэхийг уриалж байна.  

            Нийгмийн хариуцлагынхаа хүрээнд тус эмнэлгээр үйлчлүүлж буй иргэд, үйлчлүүлэгч, эмчлүүлэгчдийн ар гэрийнхэнд зориулсан хүлээлгийн өрөөг засварлан тохижуулж хүлээлгэн өгч буй “Сэнтрал Экспресс Си Ви Эс” ХХК-ийн хамт олонд Эмнэлгийн захиргаа, нийт ажилчдынхаа нэрийн өмнөөс баярласан талархсанаа илэрхийлэн, ажлын өндөр амжилт хүсэн ерөөе.