+(976) 77046666shastinhospital@gmail.com
2019 оны УРИА

Дурангийн оношилгооны тасаг

НҮҮР ХУУДАС ТАСАГ НЭГЖ Тасгууд
Дурангийн оношилгоо, эмчилгээний тасаг

УГТЭ-ийн даргын 2013 оны 10 сарын 01-ны өдрийн А/37 тоот тушаалаар Оношилгооны Төвийн дурангийн хэсгийн үйл ажиллагаа өргөжиж “Дурангийн оношилгоо, эмчилгээний тасаг” бие дааж шинээр зохион байгуулагдсан билээ. Дурангийн оношилгоо, эмчилгээний тасаг нь орчин үеийн техник технологийн өндөр хүчин чадал бүхий аппарат тоног төхөөрөмжөөр тоноглогдон, аюулгүй, цэвэр, ая тухтай орчинд иргэдэд дурангийн тусламж үйлчилгээг чанарын өндөр төвшинд үзүүлэх, дэлхийн анагаах ухааны сүүлийн үеийн ололтуудыг эрдэм шинжилгээ судалгаатай хослуулан ажиллах зарчмыг баримтлан дурангийн оношилгооны чанарыг сайжруулж, эмчилгээний чиглэлийг түлхүү хөгжүүлэн дурангийн тусламж үйлчилгээний “ЛАВЛАГАА ТӨВ” болох зорилт тавин ажиллаж байна. 2007 оны 12 сард ЭМЯ-ны төсвөөр Оношилгооны Төвийн дурангийн кабинетад PENTAX фирмийн видео иж бүрдэл дуран, 2012 оны 6 сард Olympus фирмийн NBI бүхий EVIS EXERA II, ERBE, APC коагуляцийн аппаратыг 2012 оны 12 сард Япон улсын буцалтгүй тусламжаар Olympus фирмийн EVIS EXERA III маркийн сүүлийн үеийн оношилгоо, эмчилгээний аппарат тоног төхөөрөмж суурилагдан эмч, мэргэжилтнүүдийг ур чадварыг дээшлүүлэхэд ихээхэн түлхэц болсон төдийгүй оношилгооны шинэ шинэ арга, технологиуд нэвтрүүлэн ажиллаж байна.

Дурангийн оношилгоо, эмчилгээний тасаг нь хоол боловсруулах эрхтний ба амьсгалын замын дуран гэсэн үндсэн 2 хэсгээс бүрдэж, төрөлжсөн мэргэжлийн тусламж үйлчилгээг товлолт ба яаралтай журмаар үзүүлдэг, өндөр нарийн мэргэжилтэй, чадварлаг дурангийн эмч, мэргэжилтэнүүдтэй хамт олон юм.

Мэндбаяр ЭНХ-ӨЛЗИЙ

Тасгийн эрхлэгч

АУ-ны магистр, дотрын тэргүүлэх зэргийн эмч

  • 1992 онд Анагаах ухааны дээд сургуулийг хүний их эмчээр төгссөн

  • 1997 онд дотрын эмчийн мэргэжил олгох

  • 2002 онд гастроэнтерологи эмчийн мэргэжил олгох

  • 2003 онд дурангийн эмчийн мэргэжил олгох сургалтанд хамрагдсан

Эмч нар

  • Д.Хишгээ - Дүрс оношлогооны ахлах зэрэгтэй

  • Цэвээндарь - Дотрын тэргүүлэх зэрэгтэй

Сувилагч нар

  • Г.Жавзандолгор - АУ-ны магистрант

  • А.Төрболь - Сувилахуйн ахлах зэрэгтэй

  • Г.Гантогос - Сувилахуйн ахлах зэрэгтэй

  • Д.Ганцэцэг - Сувилахуйн ухааны бакалавр, сувилахуйн ахлах зэрэгтэй

Дурангийн оношилгоо, эмчилгээний тасаг нь хоол боловсруулах эрхтний ба амьсгалын замын дуран гэсэн үндсэн 2 хэсгээс бүрдэнэ.

  • Улаан хоолой, ходоод, дээд болон нарийн гэдэс

  • Уушиг дурандах

  • Бүдүүн, шулуун гэдэс

  • Бүдүүн гэдэс дурандах /унтуулагтай/

  • Цөс, нойр булчирхай сэтгүүрдэх

  • Дурангаар ХБЗ-Ы-ын салст будаж харах /хромо эндоскопи/

  • Гуурсан хоолой тодруулагчтай дурандаж зураг авах

  • Улаан хоолой, ходоод, дээд гэдэс дурандах /Унтуулагтай/

  • Шинжилгээний хариу хэвлэж гаргах

  • Ходоодны дуран/унтуулгатай/

Ходоодны уян дурангийн шинжилгээ

Энэхүү шинжилгээ нь гэрэлтүүлэгч бүхий 8.8-9.2 мм-ийн голчтой уян дурангийн тусламжтайгаар улаан хоолой, ходоод, дээд гэдэсний эхлэл хэсгийн салстанд гарч буй эмгэг өөрчлөлтийг илрүүлж оношлохоос гадна дурангийн эмчилгээ хийдэг.

Ходоодны дурангийн шинжилгээний бэлтгэл
  • Улаан хоолой, ходоодны салстын эмгэг өөрчлөлтийг зөв оношлуулахын тулд та 12 цагаас багагүй хугацаанд хоол идэх буюу шингэн зүйл уугаагүй байх
  • Ямар нэг эмэнд харшил өгч байсан эсэх
  • Өмнөх дурангийн шинжилгээ хийлгэж байсан үед гарч байсан сөрөг зүйлээ эмч, сувилагчид мэдээлэх
  • Архаг ужиг өвчинтэй эсэхээ эмч , сувилагчид мэдээлэх
  • Шинжилгээтэй холбоотой асууж тодруулах зүйл байвал дурангийн эмч сувилагч нараас асууж тодруулах
  • Шаардлагатай тохиолдолд цус шингэлэх эмийг хэрэглэхийг зогсоох
Дурангийн шинжилгээний явц
  • Шинжилгээ эхлэхийн өмнө таниас болон асран хамгаалагчаас шинжилгээний явцыг тайлбарлан зөвшөөрөл авна.
  • Шинжилгээ эхлэхээс өмнө таны хоолойд мэдээ алдуулах эм цацна.
  • Дээрх хэсгийн мэдээ алдуулалтын дараа танд шүдний хамгаалалтын зуувч зуулгана.
  • Эмч дуранг залгиулах үед шинжилгээний явцад танд өвдөлтийн ямар нэг мэдрэмж төрөхгүй, амьсгал авахад саадгүй байх ёстой.
  • Эмч улаан хоолой, ходоодны салстыг сайтар нягтлан шалгахын тулд дурангаар бага хэмжээний хий өгч ходоодыг тэлэх ба шинжилгээ дуусахад уг хийг соруулж авна.
  • Шинжилгээ 10-15, 20 минут үргэлжлэх бөгөөд илэрсэн эмгэг өөрчлөлттэй хэсгээс эдийн шинжилгээ авч эмгэг судлалын лабораторид илгээнэ.
  • Шинжилгээний дараа танд ямар нэг зовиур үгүй бол та гэртээ харина.
  • Тайвшруулах эмчилгээ бага тунгаар хийгдсэн тохиолдолд жолооны ард суухыг хориглоно.
  • Залгиур хоолойд хэсгийн мэдээ алдуулалт хийсний дараа дор хаяж 1 цаг орчмын дараа та хоол ундаа хэрэглэнэ.
  • Эдийн шинжилгээ авсан тохиолдолд 2 цагийн дараа та хоол унд хэрэглэнэ. Энэ өдөртөө халуун хоол, цай хэрэглэхгүй байх хэрэгтэй.
  • Зарим шинжлүүлэгчдэд шинжилгээ хийлгэсний дараа хоолой бага зэрэг хөндүүрлэх, гэдэс дүүрэх, хэхрүүлэх шинж илэрч болно. Энэ тохиолдолд эмийн эмчилгээ шаардлагагүй

Бүдүүн гэдэсний уян дурангийн шинжилгээ

Энэхүү шинжилгээ нь гэрэлтүүлэгч бүхий 8.8-9.2 мм-ийн голчтой уян дурангийн тусламжтайгаар улаан хоолой, ходоод, дээд гэдэсний эхлэл хэсгийн салстанд гарч буй эмгэг өөрчлөлтийг илрүүлж оношлохоос гадна дурангийн эмчилгээ хийдэг.

Бүдүүн гэдэсний шинжилгээг дараах тохиолдолд хийлгэх нь зүйтэй.
  • Бүдүүн гэдэсний эмгэг сэжиглэж буй хэвлийн өвдөлтүүд
  • Бүдүүн гэдэсний архаг үрэвслийн шинж
  • Бүдүүн гэдэсний өвөрмөц үрэвсэл ба Кроны өвчин Шалтгаан тодорхойгүй эмийн эмчилгээнд үр дүнгүй архаг гүйлгэлт, суулгалт
  • Хар баах, цустай баах, Архаг цус багадалт
  • Бүдүүн гэдэсний рентген болон бусад багажийн шинжилгээгээр хавдар ургацаг, гаднын биет тодорхойлогдсон
  • Бүдүүн гэдэсний хавдар ургацагийн эмчилгээ өмнө хийгдэж байсан хүмүүст дахилтаас урьдчилан сэргийлэх
Бүдүүн гэдэсний дурангийн шинжилгээний бэлтгэл, Бүдүүн гэдэсний салстын эмгэг өөрчлөлтийг зөв оношлуулахын тулд
  • Танаас шинжилгээний талаар тайлбарлан зөвшөөрөл авна.
  • Шинжилгээнээс 2 хоногийн өмнөөс зохих зааврын дагуу гэдсээ цэвэрлэсэн байх ёстой /тусгай уусмалын тусламжтай болон зохих зааврын дагуу цэвэрлсэн байх/.
  • Ямар нэг эмэнд харшил өгч байсан эсэх, өмнөх дурангийн шинжилгээ хийлгэж байсан үед гарч байсан сөрөг зүйлээ эмч, сувилагчид мэдээлэх
  • Шинжилгээтэй холбоотой асууж тодруулах зүйл байвал дурангийн эмч сувилагч нараас асууж тодруулах.
Дурангийн шинжилгээний явц
  • Шинжилгээ эхлэхээс өмнө болон шинжилгээний явцад хөнгөн өвдөлт намдаах эм хэрэглэнэ
  • Эмч бүдүүн гэдэсний оношлогооны дуран хийх явцад танд бага зэрэг өвдөх, гэдэс тэлэгдэх мэдрэмж гарна
  • Эмч бүдүүн гэдэсний салстыг сайтар нягтлан шалгахын тулд дурангаар бага хэмжээний хий өгч бүдүүн гэдэсний хөндийг тэлэх ба шинжилгээ дуусахад уг хийг соруулж авна
  • Шинжилгээ 1 цаг гаруй үргэлжлэх бөгөөд илэрсэн эмгэг өөрчлөлттэй хэсгээс эдийн шинжилгээ авч эмгэг судлалын лабораторид илгээнэ
  • Эмч улаан хоолой, ходоодны салстыг сайтар нягтлан шалгахын тулд дурангаар бага хэмжээний хий өгч ходоодыг тэлэх ба шинжилгээ дуусахад уг хийг соруулж авна.
  • Шинжилгээ 10-15, 20 минут үргэлжлэх бөгөөд илэрсэн эмгэг өөрчлөлттэй хэсгээс эдийн шинжилгээ авч эмгэг судлалын лабораторид илгээнэ.
  • Шинжилгээний дараа танд ямар нэг зовиур үгүй бол та гэртээ харина
  • Шингэц сайтай, зөөлөн хоол бага хэмжээгээр хэрэглэнэ
  • Жолооны ард суух, хүнд юм өргөх, хэт идэхийг хориглоно
  • Зарим шинжлүүлэгчдэд шинжилгээ хийлгэсний дараа хэвлийгээр хүчтэй хатгуулж өвдөх, гэдэс дүүрч хий гарахгүй баах, шулуун гэдэснээс цус буюу цусан судалтай зүйл гарах шинж тэмдэг ажигдагдвал эмнэлэгт яаралтай хандаарай

Цөс нойр булчирхай сэтгүүрдэх (ERCP) дурангийн шинжилгээ

Энэхүү шинжилгээ нь гэрэлтүүлэгч бүхий 9.8 мм-ийн голчтой уян дурангийн тусламжтайгаар дээд гэдсэнд байрлах том хөхлөгөөр тусгайлсан нэг удаагийн нарийн сэтгүүр оруулж тодосгогч бодис шахан цөс нойр булчирхайн замын рентген зураг авч цөсний замын чулуу, хавдар зэрэг өөрчлөлтийг илрүүлж оношлохоос гадна дурангийн эмчилгээ хийдэг. Хэрэв танд цөс нойр булчирхайн сувгийн нарийсал илэрвэл дурангаар нарийсал тэлэгч (Endoprotesis) тавих хагалгаа хийгдэнэ. Шинжилгээ, ажилбарын явцад танд бага зэргийн өвдөлт, гэдэс дүүрэх, тэлэгдэх шинж тэмдгүүд гарч болно.

ERCP шинжилгээний бэлтгэл

ERSP хийлгэхийн тулд Та 1-2 хоногийн өмнө Эмнэлэгт хэвтэж доорхи шинжилгээг бүрдүүлсэн байх шаардлагатай.

  • Цусны дэлгэрэнгүй шинжилгээ
  • Элэгний үйл ажиллагааны шинжилгээ хийлгэх
  • Цусны бүлэгнэх чадвар
  • Зүрхний бичлэг
  • Хэвлийн эхо
  • Хэвлийн компьютер томографийн шинжилгээ
  • Элэгний вирусын болон ДОХ шинжилгээ

Энэ бүх шинжилгээний эцэст ERSP шинжилгээ хийлгэх заалт бүхий өвчний түүх, эмчлэгч эмчийн хамтаар шинжилгээнд ирнэ

Та:
  • Шинжилгээнээс дор хаяж 12 цагаас багагүй хугацаанд хоол идэх буюу шингэн зүйл хэрэглээгүй байх
  • Ямар нэг эмэнд харшил өгч байсан эсэх
  • Өмнөх дурангийн шинжилгээ хийлгэж байсан үед гарч байсан сөрөг зүйлээ эмч, сувилагчид мэдээлэх
  • Шинжилгээтэй холбоотой асууж тодруулах зүйл байвал дурангийн эмч сувилагч нараас асууж тодруулах
Дурангийн шинжилгээний явц
  • Шинжилгээний өмнө унтуулагч эмчийн заалтаар хэсгийн болон судасны унтуулгыг сонгоно
  • Шинжилгээ эхлэхээс өмнө таны хоолойд мэдээ алдуулах эм цацна
  • Дээрх хэсгийн мэдээ алдуулатын дараа танд шүдний хамгаалалтын зуувч зуулгана
  • Эмч дуранг залгиулах үед болон шинжилгээний явцад танд өвдөлтийн ямар нэг мэдрэмж төрөхгүй, амьсгал авахад саадгүй байх ёстой
  • Шинжилгээний явцад дурангаар бага хэмжээний хий өгч ходоод, дээд гэдсийг тэлэх ба шинжилгээ, оношлогоо ажилбар дуусахад уг хийг соруулж авна
  • Шинжилгээ 1-2 цаг орчим үргэлжилнэ
Шинжилгээний дараа
  • Шинжилгээний дараа та эмч сувилагчийн хяналтанд байх ба ямар нэг зовиур шаналгаа илэрвэл эмчид хандана
  • Шингэц сайтай, зөөлөн хоол бага хэмжээгээр хэрэглэнэ
  • Хүнд юм өргөх, хэт идэхийг хориглоно