2017 оны УРИА

Ангиограф оношилгоо, эмчилгээний тасаг

Ангиографийн Оношилгоо Эмчилгээний тасаг

2003 оны 5-р сард Австралийн Ротари клубийн тусламжаар PHILIPS фирмийн “Polidiagnost C-2 “ digital subtraction системтэй видео болон дискийн бичлэгтэй орчин үеийн ангиографийн аппаратаар 3-дахь удаагаа шинэчлэгдэн тоноглогдсон нь зүрх судас сэтгүүрдэх шинжилгээ, судсан дотуурх мэс заслын эмчилгээг (СДМЗЭ ) хөгжүүлэхэд чухал алхам болсон. 2004 оны дунд үеэс гадаад харилцаа эрчимтэй хөгжин ШКТЭ-ийн ангиографийн тасгийн эмч эмч нар Японы Токиогийн их сургуулийн профессор S.Furui, T.Sakomato, Солонгосын Ханяны их сургуулийн профессор Heung- Suk Seo нартай хамтран элэгний хавдрын тэжээгч судсыг бөглөх эмчилгээний аргыг, Францын эмч доктор B.Gerardin, P.Remy, нартай хамтран титэм судасны нарийслыг баллонт сэтгүүрээр тэлж, стент тавих эмчилгээг, Японы эмч Ханеда, Хигаки нартай хамтран артерийн битүүрээгүй цоргыг бөглөх эмчилгээний аргыг, АНУ-ын доктор N. Mery, P.Alison нартай хамтран тосгуур хоорондын таславчийн цоорхойг Амплатзераар бөглөх эмчилгээг 2005 оноос амжилттай хийж, мөн орны доктор M.Howell-той хамтран 2009 онд анх удаа гол судасны уруудах хэсгийн цүлхэнд өмсгөлтэй стент (Graft stent) тавих эмчилгээг тус тус Монгол орны анагаах ухааны түүхэнд анх удаа амжилттай хийжээ. П.Н.Шастины клиникийн төв эмнэлгийн захирлын 2004 оны 5 сарын 20-ны өдрийн 145 тоот тушаалаар ангиографийн кабинетыг 10 ортой ангиографийн оношлогоо-эмчилгээний (АОЭ) тасаг болгон өргөтгөж тасгийн эрхлэгчээр анагаах ухааны доктор З.Лхагвасүрэнг томилон ажиллуулсан байна. АОЭ-ний ортой тасаг болгон өргөтгөснөөр ангиографийн шинжилгээний нэр төрөл олширч одоогоор 25 нэр төрлийн ангиографийн оношлогооны аргыг практикт бүрэн нэвтрүүлж, 17 нэр төрлийн судсан дотуурх мэс заслын эмчилгээг амжиттай хийгээд байна.

Ангиографийн Оношилгоо Эмчилгээний тасаг нь 4 их эмч, 4 сувилагч, 2 техникч, 2 инженерийн бүрэлдэхүүнтэй 2 CATH LAB-д 24 цагийн турш зүрхний хурц шигдээс, тархины харвалтын үеийн судсан дотуурх оношилогоо эмчилгээний тусламж үйлчилгээг цаг алдалгүй яаралтай үзүүлдэг.

Зундуй Лхагвасүрэн

Тасгийн эрхлэгч

АУ-ны доктор, Дэд профессор, Зөвлөх зэргийн эмч

  • 1977 онд УБ хот, АУДуС-ийг эх баригч бага эмч

  • 1990 онд АУДэС-ийн эмчилгээний факултет

  • 1991 онд ЭНМДИ мэс заслын эмчийн олгох курс

  • 1993 онд БНХАУ-ын Хөх хотын Өвөр монголын төв эмнэлэгт ангиографийн курс

  • 1997 онд ЭНМДИ дүрс оношлогооны мэргэжил

  • 1997 онд ОХУ-ын Томск хотод ангиографийн 1 сарын курс

  • 2000 онд ОХУ-ын Кемеровын Мед Академид ангиографийн дээшлүүлэх курс

  • 2002 онд ОХУ-ын Москва хотын А.Н.Бакулевын нэрэмжит Зүрх судасны мэс заслын мэргэжил дээшлүүлэх курс

  • 2006 онд Парис хотын Авлам-Санте Кардио нийгэмлэгт ангиографийн 14 хоногийн курс

Эмч нар
  • Р.Болдбат - Нероангиологич эмч

  • Н.Баатаржан - Нероангиологич эмч

  • Р.Ганбаатар - Нероангиологич эмч

Сувилагч нар
  • Б.Наранцэцэг - Ахлах сувилагч

  • Д.Оюунцэцэг - Хагалгааны сувилагч

  • П.Амаржаргал - Хагалгааны сувилагч

  • Н.Должинжав - Хагалгааны сувилагч

Эмнэлгийн тоног төхөөрөмжийн инженер нар
  • Б.Эгиймаа

  • Э.Дамдинжав

Рентген техникч нар
  • Э.Бямбажав

  • Д.Майнбаяр

Жилд 2430 хүнд 9 төрлийн судсан дотуурх оношилогоо, 14 төрлийн судсан дотуурх эмчилгээг хийдэг.

Оношлогоонд:
  • Зүрхний титэм судасны оношилгоо
  • Зүрхний төрөлхийн гажигийн оношилгоо
  • Захын судасны оношилгоо
  • Том судасны цүлхэнгийн оношилгоо
  • Тархины судасны оношилгоо нийт 9-н төрлийн оношилгоо
Эмчилгээнд:
  • Зүрхний титэм судасны нарийсал бөглөрлийг стентээр тэлэх
  • Уушигний артерийн битүүрээгүй цоргыг шүхрээр хаах
  • Тосгуур хоорондын таславчийн цоорхойг шүхрээр хаах
  • Уушигны артерийн хавхлагийн нарийслыг баллонаар тэлэх
  • Тархины артерийн аневризм стент тавих
  • Тархины артерийн аневризм койлоор бөглөх
  • Тархины хавдарын судсыг бөглөх эмчилгээ
  • Тархины АВМ-ийг бөглөх эмчилгээ
  • Захын судсанд стент тавих
  • Савны хоргүй хавдарыг бөглөх
  • Бөөрний хавдрын тэжээгч судас бөглөх
  • Бөөрний судсаны нарийлыг стент тавиж тэлэх
  • Пейсмекр тавих (зүрхний хэм зохицуулагч суулгах)
  • Ресинхронизация эмчилгээ
  • Элэгний хавдрын тэжээгч судас бөглөх

Ангиографийн эмч нар эрдэм шинжилгээний, судалгааны ажил хийж илтгэл өгүүлэл-145, Ашигтай загвар-18, Шинэ бүтээл-1-ыг практикт нэвтрүүлж оюуны өмчийн газраар баталгаажуулан гэрчилгээ, патент авахын зэрэгцээ 2006 онд “Зүрхний төрлөхийн гажиг, судасны эмгэгийг судсан дотуур оношлон эмчлэх”, ”Эрдэм шинжилгээний илтгэл өгүүллийн эмхэтгэл”, 2007 онд “Элэгний циррозын зарим хүндрэлийн судас бөглөх эмчилгээ” зэрэг бүтээлүүдийг бичиж нийтийн хүртээл болгосон ба “Элэгний циррозын зарим хүндрэлийн судас бөглөх эмчилгээ” бүтээл нь Шинжлэх ухааны шилдэг бүтээлийн 2-р байрын шагналыг “Ангиографийн оношлогооны үндэс“ ном бичиж тэр бүтээл нь 2008 оны INNOVATION сэтгүүлийн шилдэг өргөмжлөл хүртсэн байна.

Зүрх судас сэтгүүрдэх шинжилгээнд Н.Баасанжав 7 жил, Ж.Цог 15 гаруй жил, С.Бадамсамбуу, Паадай нар 2-3 жил тус тус ажиллаж, Б.Жамбалжамц, Д.Эрдэнэчулуун, Б.Содгэрэл нар кардиологи эмчээр үр бүтээлтэй тасралтгүй олон жил ажилласан.

Ж.Цог эмчийг дагалдан доктор З.Лхагвасүрэн 20 жил Н.Бадарч 3 жил ангиологи эмчээр ажилласан ба 1994 оноос З.Лхагвасүрэнг дагалдан Л.Жаргалсайхан, Р.Болдбат нар, 2003 оноос Ц.Дамдинсүрэн, 2004 оноос Р.Ганбаатар 2011 оноос Д.Даваадалай нар ажилласан байна.

Б.Содгэрэл 2003 онд ОХУ-д “Янз бүрийн шалтгаантай цусны даралт ихдэх өвчтэй эрэгтэйчүүдийн өөх тосны солилцооны үзүүлэлтүүд, зүүн ховдлын ханын зузааралт”, З.Лхагвасүрэн 2005 онд “Элэгний хавдрын судсан дотуурх эмчилгээ” сэдвээр эрдмийн зэрэг хамгаалсан байна.

Манай оронд 2009 оноос ангиографийн мэргэжил олгох анхны 6 сарын дамжааг академич Н.Баасанжав, АУ-ны доктор З.Лхагвасүрэн нар ”Ач” АУДЭС-ийн дэргэд байгуулан хичээллүүлж анхны 10 эмчийг төгсгөсөн байна.

Сүүлийн 12 жилд /1997-2008/ онд 2217 судас бөглөх эмчилгээ хийж 2000-2011онд 1175 судас тэлэх эмчилгээ хийснээс1165 коронарографийн шинжилгээ түүнээс 412 өвчтөнд зүрхний титэм судсанд стент тавих эмчилгээ хийсэн нь судсан дотуурх эмчилгээний 32% -ийг эзэлж байна.

40 жилд нийт 6451 ангиографийн шинжилгээ хийж, 3392 СДМЗ-ын эмчилгээ хийсэн нь уг эмчилгээ 52.5% -ийг эзэлж, зүрх сэтгүүрдэх шинжилгээний хүндрэл багасч нэр төрөл олширч судсан дотор хийгдэх эмчилгээний аргад шилжээд байна.