Сувилахуйн алба

Сувилахуйн алба нь 2000 онд байгуулагдсан цагаасаа эхлэн сувилагч, тусгай мэргэжилтний сувилахуйн тусламж үйлчилгээний талаар хэрэгжүүлж буй бодлого хууль тогтоомжийн хэрэгжилтийг ханган, сувилахуйн гардан үйлдлийн стандарт удирдамжийн хэрэгжилт, хүний нөөцийг төлөвлөгөөтэйгөөр хөгжүүлэх, ажлын ачааллыг тэнцвэржүүлж сувилагч тусгай мэргэжилтний мэргэжлийн ур чадварыг тасралтгүй дээшлүүлэх, үйлчлүүлэгчдийн хэрэгцээнд тулгуурласан сувилахуйн тусламж үйлчилгээг стандартын дагуу үзүүлэх ажлуудыг байгууллагын үндсэн зорилго, зорилттой уялдуулан мэргэжлийн удирдлага, арга зүйгээр ханган ажиллаж байна. Сувилагч тусгай мэргэжилтний боловсролын түвшин 2021 оны байдлаар магистр сувилагч 2%, баклавар сувилагч 50%, дипломын сувилагч 48%, зөвлөх зэргийн сувилагч 0,3%, тэргүүлэх зэргийн сувилагч 20,8%, ахлах зэргийн сувилагч 13,5% мөн 20 туслах сувилагчтай ажиллаж байна. Мөн улсын хэмжээнд эмнэл зүйн чиглүүлэх багш 5, эмнэл зүйн сургагч багш 20 сувилагч бэлтгэгдсэн. 2018-2021 онд төрөлжсөн сувилахуйн чиглэлээр 121 сувилагч суралцаж нарийн мэргэжил эзэмшсэн. Эмнэл зүйн сургагч багш нар төгсөлтийн дараах сувилагч мэргэжилтний төрөлжсөн нарийн мэргэшил эзэмшүүлэх сургалтыг 6 чиглэлээр удирдан явуулж байна.

АЛСЫН ХАРАА:

Хүн амд үзүүлж буй сувилахуйн тусламж үйлчилгээний чанар хүртээмжийг сайжруулах сувилагч тусгай мэргэжилтний мэргэжлийн ур чадварыг хөгжүүлэн олон улсын жишигт хүргэх, ажил мэргэжлээрээ салбартаа тэргүүлэх сувилахуйн алба болох

ЭРХЭМ ЗОРИЛГО:

Сувилахуйн тусламжийн чанарыг дээшлүүлж мэргэжлийн өндөр түвшинд үзүүлэх, сувилагч, тусгай мэргэжилтний хөдөлмөрийн сахилгыг бэхжүүлэх хөдөлмөрийг оновчтой зохион байгуулах ажлын цагийг үр бүтээлтэй ашиглахад нэгдсэн удирдлагаар хангах, тэдний мэдлэг чадвар, хүний төлөө гэсэн хандлагыг дээшлүүлхэд оршино.

ЗОРИЛТ

Нийгмийн эрэлт хэрэгцээнд тулгуурлан сувилахуйн тусламж үйлчилгээг аюулгүй эрсдэлгүй орчинд чанарын өндөр түвшинд үзүүлж орчин үеийн ололтуудыг нотолгоонд суурилсан судалгаатай хослуулж сувилахуйн тусламж үйлчилгээг олон улсын жишигт хүргэх