Эрүүл мэндийн даатгалын шимтгэлээ 2019 оноос хойш бүрэн төлсөн даатгуулагч та тус эмнэлэгт дараах тусламж үйлчилгээг эрүүл мэндийн даатгалын хөнгөлөлттэй авах эрхтэй

1. 1. Амбулаторын үзлэг, хяналт, оношилгоо, шинжилгээ
2. 2. Өдрийн мэс засал
3. 3. Өдрийн эмчилгээ
4. 4. Диализын тусламж үйлчилгээ
5. 5. Сэргээн засахын тусламж үйлчилгээ /амбулаторын үзлэг, өдрийн эмчилгээ, хэвтүүлэн эмчлэх/
6. 6. Уламжлалт анагаах ухааны тусламж үйлчилгээ / амбулаторын үзлэг, өдрийн эмчилгээ, хэвтүүлэн эмчлэх/
7. 7. Хэвтүүлэн эмчлэх тусламж үйлчилгээ /эмийн эмчилгээ, мэс засал, эрчимт эмчилгээ/
8. 8. Телемедицин
9. 9. Алсын дуудлага

1. 1. Хэвтүүлэн эмчлэх тусламж үйлчилгээний хувьд даатгуулагчийн эмчлүүлэх оношийн хамааралтай бүлгээс шалтгаалан даатгуулагчийн төлөх төлбөрийн хэмжээ ялгаатай байна. Хамтын төлбөрийг ажил хөдөлмөр эрхэлж буй ажилтан, малчин, оюутан, хувиараа хөдөлмөр эрхлэгч, ажил хөдөлмөр эрхлээгүй даатгуулагч төлнө.
2. 2. Амбулаторын цогц тусламж үйлчилгээ авахад эмчийн заалтаар зайлшгүй Сангийн сайд, Эрүүл мэндийн сайдын хамтарсан тушаалаар баталсан Төлбөртэй тусламж үйлчилгээний тариф нь 45,000 төгрөгөөс дээш үнийн дүнтэй оношилгоо, шинжилгээ өгөх тохиолдолд тухайн оношилгоо, шинжилгээний төлбөрийн 30 хувийг иргэн хариуцан төлөх бөгөөд эмнэлгийн цахим бүртгэлийн хэсэгт тушааж төлбөрийн баримт авна.
3. 3. Эмнэлэгт хэвтэн эмчлүүлэхдээ үйлчлүүлэгч өөрийн хүсэлтээр төлбөрт орны үйлчилгээ сонгосон тохиолдолд тухайн орны төлбөрийг эмнэлгийн 1 давхарт байрлах Төрийн банкинд төлөх эсвэл эмнэлгийн Төрийн сан дах 100900020007 данс руу хэвтсэн тасгийн нэр, өөрийн нэр, регистерийн дугаарыг бүрэн бичиж шилжүүлж болно. Төлбөр төлсөн баримтыг холбогдох ажилтанд хүлээлгэн өгнө.
4. 4. Иргэн өөрийн хүсэлтээр төлбөртэй оношилгоо, шинжилгээ хийлгэх бол өөрийн мэдээллийг цахим бүртгэлд бүртгүүлж оношилгоо, шинжилгээний төлбөрийг цахим бүртгэл хэсэгт төлж, төлбөрийн баримт авна.
5. 5. Унтуулгатай дурангийн үйлчилгээ авч буй даатгуулагчийн хувьд мэдээгүйжүүлгийн төлбөрийг Эрүүл мэндийн даатгалын сангаас хариуцдаггүй тул даатгуулагчийн төрлөөс үл хамааран төлбөрийг цахим бүртгэл хэсэгт 100% төлнө.

• – Эмнэлгийн 7704-6666 дугаарт холбогдон эмнэлгийн тусламж үйлчилгээний товлолт цагийг цуцлах боломжтой. Хэрэв та Амбулаторийн эмчийн анхан үзлэгээ хийлгээд оношилгоо шинжилгээ болон давтан үзлэгийн цагтаа ирж амжихгүй тохиолдолд зөвхөн 7704-6666 дугаарт залгаж мэдэгдсэнээр тусламж үйлчилгээний товлолт цаг болон эмнэлгийн тусламж үйлчилгээтэй холбоотой битүүмж арилна.
• – E-Mongolia – Эмнэлгийн тусламж үйлчилгээ хэсэгт эмнэлгийн цаг цуцлах үйлчилгээг сонгон тусламж үйлчилгээний авсан цагаа цуцлах боломжтой. (Амбулаторийн эмчийн давтан үзлэгийн цаг цуцалсан тохиолдолд даатгуулагчийн эмнэлэгт үүссэн битүүмж арилахгүй болохыг анхаарна уу)

Та ЭМДЕГ-тай гэрээ бүхий эрүүл мэндийн байгуулагад эмнэлгийн тусламж үйлчилгээ авч эхлэх үеэс эмнэлгийн тусламж үйлчилгээг авч буй тухай мэдээлэл ЭМДЕГ-ын цахим системд бүртгэгдэн битүүмж үүсдэг.

• – Амбулаторийн тусламж үйлчилгээ: Эмчийн анхан үзлэг хийлгэхээс битүүмж үүсч давтан үзлэг буюу хамгийн сүүлийн амбулаторийн эмчийн үзлэг хийсний дараа битүүмж арилна.
• – Хэвтүүлэн эмчлэх болон өдрийн тусламж үйлчилгээ: Эмнэлэгт хэвтэн эмчлүүлсэн өдрөөс эхлэн битүүмж үүсч, эмнэлгээс гарсан өдөр битүүмж арилна.
• – Өндөр өртөгтэй оношилгоо, шинжилгээ: бусад эрүүл мэндийн тусламж үйлчилгээг авахад давхардал үүсэхгүй тул тухайн тусламж үйлчилгээний битүүмжтэй эмнэлгийн тусламж үйлчилгээг авах бүрэн боломжтой.

Хэрэв таны тусламж үйлчилгээ дууссан боловч битүүмжтэй байгаа тохиолдолд эмнэлгийн 7704-6666 дугаарт залгаж битүүмжээ гаргуулна.

1. 1. Амбулаторын эмчид үзүүлж шаардлагатай оношилгоо, шинжилгээг бүрэн бүрдүүлсэн байна.
2. 2. Амбулаторын эмч үзлэгийн битүүмжийг арилгаж, хэвтэх бичиг илгээсэн бол

ЭРҮҮЛ МЭНДИЙН ДААТГАЛЫН өвчний түүх нээх хэсэгт өөрийн биеэр ирж өвчний түүх нээлгэнэ.