Улсын Гуравдугаар Төв Эмнэлэгийн санаачлагаар Хаан Банк Сангийн дэмжлэгтэйгээр 2017 онд Улаанбаатар хотод, 2018 оноос Нийгмийн эрүүл мэндийн үндэсний төв, 2022 оноос Монголын үндэсний олон нийтийн радио телевизтэй хамтран “Цусны даралт ихсэлтийн эсрэг аян”-ыг хэрэгжүүлж эхэлсэн бөгөөд өдгөө 9 дахь жилдээ хэрэгжүүлэн ажиллахаар 2025 оны нээлтийн үйл ажиллагаа, хамтран ажиллах санамж бичгээ 2025 оны 04 сарын 03-ны өдөр байгууллаа.

Цусны даралт ихсэлтийн эсрэг аян нь цусны даралт ихсэх өвчнөөс урьдчилан сэргийлэх, даралт ихсэх өвчний эрсдэлт хүчин зүйлийн үнэлгээг хийх замаар иргэд олон нийтийг цусны даралт ихсэлтээ мэддэг, хянадаг чадвар хэвшилд сургах, цусны даралтын хүндрэлийн эрсдэл өндөртэй иргэдийг төрөлжсөн мэргэшлийн эмчийн үзлэг оношилгоонд хамруулах замаар хүн амын дунд зонхилон тохиолдох зүрх судасны өвчлөлтэй холбоотой нас баралтыг бууруулахад хувь нэмэр оруулах зорилготой юм.

Өнгөрсөн хугацаанд аяны хүрээнд нийтдээ 21 аймгийн 61000 гаруй иргэнд зүрх судасны өвчлөл, цусны даралт ихсэлтийн эрсдлийн үнэлгээ, төрөлжсөн нарийн мэргэжлийн эмч нарын үзлэг, оношилгоог хийж, орон нутгийн 1500 гаруй эмч, мэргэжилтнүүдийг ажлын байран дээрх чадавхжуулах сургалтанд хамруулж, тэдний ур чадварыг дээшлүүлж, мэргэжил арга зүйн дэмжлэг өгч ажилласан байна.

“Цусны даралт ихсэлтийн аян-2025” энэ онд Орхон, Булган, Зүүнхараа аймгуудад хэрэгжихээр тус тус төлөвлөөд байна.

ХААН Банк Сан нь нийгмийн хариуцлагын хүрээнд уг аянд тууштай хувь нэмэр оруулж, олон жилийн турш бидэнтэй хамтран ажиллаж байгаад гүн талархал илэрхийлье.