Улсын гуравдугаар төв эмнэлэг Эрүүл мэндийн Сайдаас төрөлжсөн мэргэжлийн лавлагаа төв эмнэлгүүдэд өгөгдсөн үүрэг чиглэлийн дагуу орон нутгийн нэгдсэн эмнэлгүүдэд дэмжлэг үзүүлж хамтран ажиллах, орон нутгийн эрүүл мэндийн байгууллагуудыг сувилагч тусгай мэргэжилтнүүдийг мэргэжил арга зүйгээр хангах, сувилагч тусгай мэргэжилтнүүдийг чадавхжуулах, ажлын байрны урт богино хугацааны сургалтад хамруулах, сэлгэн ажиллуулах зорилтот үйл ажиллагааг тасралтгүй зохион байгуулж байна.

Сүүлийн 3 жилийн хугацаанд орон нутгийн 20 гаруй байгууллагуудын нийт 1200 гаруй сувилагч тусгай мэргэжилтнүүдийг дадлагажуулсан сургасан.

2025 оны 01 сарын 30,31-ний өдөр Архангай аймгийн Эрүүл мэндийн газар, Нэгдсэн эмнэлэг, сум өрх, хувийн хэвшлийн 19 эмнэлгийн нийт 200 гаруй сувилагч тусгай мэргэжилтнүүдэд Яаралтай тусламж, Эрчимт эмчилгээ, Тархины харвалт, Зүрхний шигдээсийн үеийн сувилахуйн тусламж үйлчилгээ, Үйлчлүүлэгчийн аюулгүй байдалд сувилагчийн манлайлал сэдвийн хүрээнд онол дадлага хосолсон сургалт сувилахуйн ахлах менежерүүдийн дунд хэлэлцүүлгийг зохион байгууллаа.