Амбулаторийн үзлэгийн тоо эмэгтэйчүүдээс 1.6 дахин бага байгаа нь эрэгтэйчүүд өвчнөө хүндрэх хүртэл эмнэлэгт хандахгүй байх хандлага түгээмэл байгааг харуулж байна. Үүний зэрэгцээ осол гэмтэл, гадны шалтгаант нас баралт нийт нас баралтын 18.6 хувийг эзэлж байгаа бөгөөд зам тээврийн осол, амиа хорлолт, үйлдвэрлэлийн осол зэрэг үзүүлэлтээр эрэгтэйчүүдийн нас баралт эмэгтэйчүүдээс өндөр байна.

Мөн архи, тамхины хэрэглээ, таргалалт, хөдөлгөөний дутагдал зэрэг эрсдэлт хүчин зүйлс эрэгтэйчүүдийн дунд түгээмэл байгаа нь зүрх судас, чихрийн шижин зэрэг халдварт бус өвчний эрсдэлийг нэмэгдүүлж байгааг мэргэжилтнүүд анхааруулж байна.