Танилцуулга
Эмнэлгийн захирлын 2024/04/18-ны А/98 тоот тушаалаар тус тасгийг Урологи-Андрологийн тасаг болгон өргөжүүлж, зөвлөх эмч 1, тасгийн эрхлэгч 1, урологийн эмч 2, андрологийн эмч 2, туслах эмч 1, ахлах сувилагч 1, мэс заслын сувилагч 2, ээлжийн сувилагч 6, урологи, андрологийн кабинетын сувилагч 1, туслах сувилагч 1 бүрэлдэхүүнтэйгээр 14 ортойгоор үйл ажиллагаа явуулж байна.
Урологийн тасаг шинээр зохион байгуулагдсан сүүлийн 4 жилд харъяалах хүрээний Ховд, Увс, Завхан, Баян-Өлгий, Булган, Хөвсгөл, Сэлэнгэ, Орхон-Уул аймгууд болон СХД, БГДүүргийн иргэдэд 3500 гаруй мэс засал хийж, амбулаториор 34913 үйлчлүүлэгчдэд бөөр шээсний замын мэс засал болон эрэгтэйчүүдийн эрүүл мэндийн чиглэлээр тусламж үйлчилгээ үзүүлсэн байна.
Тус тасагт нээлттэй болон хэвлийн дурангаар бөөрний хавдар авах, бөөр авах болон хэсэгчилэн тайрах, бөөрний уйланхай авах, бөөр шээсний замын нөхөн сэргээх мэс заслууд, шээдэг сүвний нарийсал засах, түрүү булчирхайн дурангийн болон нээлттэй мэс засал, давсагны хавдрын дурангийн мэс засал, шээс дамжуулах замын чулуу авах дурангийн болон нээлттэй мэс засал, шодой, түрүү булчирхай, төмсөгний хавдрын мэс засал зэрэг нийт 41 төрлийн мэс заслыг бие даан хийж, нутагшуулсан.
Хүн амын дунд бөөрний архаг өвчин эмгэг, түүний эрсдэлт хүчин зүйлс, бөөрний үйл ажиллагааны дутагдлын тохиолдол нэмэгдэж, эрэгтэйчүүдийн амьдралын эгзэгтэй мөчүүдэд тулгардаг эрүүл мэндийн асуудлаар тусламж үйлчилгээг цогцоор үзүүлэх шаардлагад нийцүүлэн Андрологийн кабинетыг нээн ажиллуулж байна.
Бид цаашид Урологи-Андрологийн тусламж үйлчилгээг ард иргэдэд чанартай, хүртээмжтэйгээр хүргэж, шинэ технологийг нэвтрүүлж, хүний нөөцөө чадавхижуулан, улсын хэмжээнд Урологи-Андрологийн чиглэлээр тусламж үйлчилгээ үзүүлдэг хоёр дахь том төв болохоор зорин ажиллаж байна.
Эмч, ажилчид
