Танилцуулга
Захиргаа, хүний нөөцийн алба нь 1960 онд боловсон хүчний асуудал эрхэлсэн нэг ажилтантай үйл ажиллагаа эхэлж, Эрүүлийг хамгаалах яамны шийдвэрийн дагуу 1985 оноос клиник, сургалт, эрдэм шинжилгээний ажлыг цогц болгох АУДуС, АУХ-ийн үйл ажиллагаа, боловсон хүчнийг нэгтгэснээр 700 гаруй эмч, эмнэлгийн мэргэжилтэн, ажилтан, багш нараар өргөтгөн “Хүн хүчний алба” болгон зохион байгуулагдаж, албаны дарга, туслах, бичээч, бичиг хэрэг хөтлөгч, номын санч, архивч, олон нийтийн ажил зохион байгуулагч, захиргааны ахлах бага эмч, цаг бүртгэгч, хуулийн зөвлөх (гэрээгээр) гэсэн 9 хүний бүрэлдэхүүнтэй ажиллаж эхэлсэн түүхтэй. Эмнэлгийн даргын 2003.11.24-ний өдрийн 281 дугаар тушаалаар Хүний нөөцийн хөгжлийн алба, Эмнэлгийн даргын 2018 оны А/10 дугаар тушаалаар Захиргаа, хүний нөөцийн алба болгон бүтэц, орон тоог шинэчлэн зохион байгуулсан.
Захиргаа, хүний нөөцийн албаны зорилго нь үйлчлүүлэгчийн хэрэгцээнд нийцсэн эрүүл мэндийн тусламж үйлчилгээг үзүүлэх үйл ажиллагааг үр дүнтэй, үр ашигтай гүйцэтгэхэд шаардагдах мэдлэг, ур чадвар, хандлага бүхий зохистой тооны мэргэжлийн хүний нөөцийг хэрэгцээтэй газар, шаардлагатай хугацаанд бүрдүүлэх, бэхжүүлэх, сонгон шалгаруулах, ирээдүйн хэрэгцээг тодорхойлох, идэвхжүүлэх, гүйцэтгэлийг үнэлэх хүний нөөцийн удирдлагын цогц үйл ажиллагааг хэрэгжүүлэхэд оршино.
Албаны бүтэц, бүрэлдэхүүн
- Б.Альгирмаа – Албаны дарга
- О.Төмөр – Хүний нөөцийн менежер
- Ц.Болормаа – Хүний нөөцийн арга зүйч
- Х.Үржинбадам – Архив, бичиг хэргийн эрхлэгч
- Д.Энхцэцэг- Архивын ажилтан
- Э.Наранзул – Албан хэрэг хөтлөлтийн менежер
- Б.Золзаяа – Хөдөлмөрийн аюулгүй байдал, эрүүл ахуйн ажилтан
- Х.Гантуяа – ТУЗ-ийн нарийн бичгийн дарга
- Г.Ундрах – Хуулийн зөвлөх (гэрээгээр)
Үйл ажиллагааны чиглэл
- Байгууллагын хүний нөөцийн хэрэгцээ, хөдөлгөөнийг судлах, бүрдүүлэх хангах баримталж буй бодлого, хөтөлбөр төлөвлөгөөг боловсруулах, зохион байгуулах, мэдээлэх
- Байгууллагын ажилтнуудын хөдөлмөрийн харилцааг хууль тогтоомжийн дагуу зохицуулах, тушаал дүрэм журмыг боловсруулах, хэрэгжүүлэх, хянах
- Байгууллагын албан хэрэг хөтлөлт, харилцсан бичиг, архивын лавлагаа үйлчилгээг хариуцан зохион байгуулах
- Ажилтнуудын хувийн хэрэг, тоо бүртгэлийг хөтлөх, лицензийн сунгалтын үйл ажиллагаа, хөдөлмөрийн эрүүл ахуй, аюулгүй ажиллагааны зааварчилгаа сургалтыг хариуцан зохион байгуулах
- Удирдлагын зөвлөлийн хурлын бэлтгэл, гаргасан шийдвэрийн биелэлтийг хангуулах
- Байгууллагын орон тооны бус комисс, зөвлөлийг бүрэлдэхүүнд орж ажиллах, олон нийтийн үйл ажиллагааг зохион байгуулах, чиглүүлэх