XVII жарны “Ялгуусан” хэмээх модон Морин жилийн Сар шинийн баярыг тохиолдуулан П.Н.Шастины нэрэмжит Улсын гуравдугаар төв эмнэлгийн захиргаа эмнэлгийн ахмадын зөвлөлтэй хамтран тус эмнэлгээс өндөр насны тэтгэвэрт гарсан 80-аас дээш настай ахмадуудыг хүлээн авч хүндэтгэл үзүүлэх үйл ажиллагааг 2014 оны 01 сарын 28-нд зохион байгууллаа. Эмнэлгийн удирдлагын төлөөлөл 90-ээс дээш настай 6 ахмад настанд гэрээр нь очиж хүндэтгэл үзүүллээ.
Тус эмнэлгээс өндөр насны тэтгэвэрт гарсан 80-аас дээш настай 30 ахмад байдаг бөгөөд хамгийн өндөр настай нь Ариутгал халдваргүйтгэлийн тасагт ажиллаж байсан 98 настай ахмад Ч.Долгор гуай юм.