Яаралтай тусламжийн тасаг

1979 онд 3-р эмнэлгийн дарга Абденбайн тушаалаар Дотрын 3-р тасгийн /Зүрх судасны тасаг/ дэргэд Сэхээн амьдруулах зүрх судасны эрчимт эмчилгээний тасгийг 45 ортойгоор хавсруулан байгуулсан нь одоогийн Сэхээн Амьдруулах Яаралтай тусламжийн тасгийн эхлэл болсон юм. Тэр үед тасгийн эрхлэгчээр их эмч Бурмаа, Зөвлөх эмчээр Н.Дондог нар ажиллаж байсан. 1985 онд Сэхээн амьдруулах тасаг нэртэйгээр нэгдсэн хэлбэрээр байгуулагдсан. Энэ үед тасгийн эрхлэгчээр Анагаахын шинжлэх ухааны доктор О.Сүхбаатар зөвлөх эмчээр К.П.Пляскин нар ажиллаж байсан. 2002 оноос тус тасгийн одоогийн бүтэц зохион байгуулалт бий болж сэхээний хэсгийн 5 ортой, хүлээн авах хэсэгт 3 ор, тусгаарлах 2 ортой, 8 эмч 19 сувилагчийн орон тоотой Тасгийн эрхлэгчээр Түмэнбаяр, Д.Оюунчимэг, Ж. Ганбаатар нар,их эмчээр Г.Түмэнбат, Ш.Энх-Амгалан, Соёмбо, Долгормаа, Наранцацралт нар ажиллаж байсан. Ахлах сувилагчаар нь Юмчмуу, Ч.Мөнхтуяа, Ч.Байгалмаа, М.Долгоржав нар ажиллаж байсан. Яаралтай тусламжийн тасаг нь 2015 оны 2 сарын 2-ны өдрөөс эхлэн шинээр зохион байгуулагдаж, Хүлээн авах хэсэг 3 ортой, Ажиглалт хяналтын хэсэг 8 ортой, Тусгаарлах хэсэг 3 ортой, Алсын түргэн тусламжийн дуудлагын хэсэг, гэсэн бүтэцтэй ажиллаж байна. Тасгийн эрхлэгчээр О.Янжив их эмчээр С.Наранбаатар, Б.Чинзориг, Б.Очирбат, Ц.Оюунчимэг, Г.Туул ахлах сувилагч Д.Энхээ нийт 15 сувилагчтай ажиллаж байна.

АЛСЫН ХАРАА:

Үйлчлүүлэгч төвтэй эмнэлгийн яаралтай тусламжийн үйлчилгээг олон улсын анагаах ухааны ололт, дэвшилд тулгуурлан үндэсний хэмжээнд хүлээн зөвшөөрөгдсөн яаралтай тусламжийг үзүүлнэ.

ЗОРИЛГО:

Үйлчлүүлэгч бүрийн хэрэгцээнд нийцсэн чанартай аюулгүй эрсдэлгүй яаралтай тусламж үйлчилгээг цаг алдалгүй үр дүнтэй үзүүлнэ.