ЭМЯ-аас Монгол түмний уламжлалт “Сар шинийн баяр”-ын үеэр ард иргэдэд дараах зүйлийг сэрэмжлүүлж, зөвлөмж болгож байна.

• Хоол ундыг тохируулан хэрэглэх, хоолны хордлогоос сэргийлэх
• Даарч хөрөн ханиад томуугаар өвчлөхөөс сэргийлж дулаан хувцаслах, бага насны хүүхдийг олон хүнтэй газраар аль болох явуулахгүй байх
• Архи согтууруулах ундааг хэтрүүлэн хэрэглэхгүй байх, хөлдөлт, осголтоос сэргийлэх
• Өндөр настан, бага насны хүүхэд, жирэмсэн эх, асаргаа сувилгаа шаардсан хүмүүсийг онцгойлон анхаарах, тэднийг ганцааранг нь орхихгүй байх, хараа хяналт сайн тавих
• Халуурах, толгой өвдөх, ханиалгах, хамраас нус гоожих, булчингаар өвдөх, бөөлжих, суулгах зэрэг шинж тэмдгүүд илэрсэн тохиолдолд эмч, эмнэлгийн байгууллагад хандах
• Хол замд явахдаа тээврийн хэрэгслийнхээ найдвартай байдлыг хангах, зам тээврийн ослоос сэргийлэх
• Согтууруулах ундаа хэрэглэсэн бол жолооны ард суухгүй байх
• Гудамж талбайд ухаангүй буюу биеэ авч явах чадваргүй, осгосон хүн таарвал та яаралтай 103,102 дугаарын утсанд мэдэгдэх