Эмнэлгийн мэргэжилтний ёс зүйн зөрчилтэй холбоотой гомдол, мэдээллийг холбогдох хууль тогтоомжийн дагуу хянан санал, дүгнэлт, зөвлөмж гаргах чиг үүрэг бүхий орон тооны бус, хөндлөнгийн хяналтын байгууллага болох ШУГТЭ-ийн Эмнэлгийн мэргэжилтний Ёс зүйн салбар хороо 2015 оны 11-р сарын 4-ний өдөр ээлжит хурлаа зохион байгуулав.

Хурлаар тус эмнэлгийн мэргэжилтнүүдтэй холбоотой ёс зүйн 2 асуудал болон салбар хорооны гишүүдийн урамшуулал, эмнэлгийн ажилтны тангараг өргөх үйл ажиллагааны бэлтгэл ажлын тухай нийт 4 асуудал хэлэлцэж шийдвэр гаргалаа.

2015 онд тус эмнэлэгт шинээр ажилд орсон ажилтнуудаар “Улсын гуравдугаар төв эмнэлгийн ажилтны тангараг” өргүүлэх үйл ажиллагааг Ёс зүйн салбар хорооноос 2015 оны 12-р сард зохион байгуулахаар төлөвлөн бэлтгэлийг хангаж байна.