Хөдөлмөрийн гавьяаны улаан тугийн одонт П.Н.Шастины нэрэмжит улсын гуравдугаар төв эмнэлгийн 2015 оны шилдэг тасаг, баг, хамт олон, эмч, ажилтнуудыг шалгаруулах ёслол хүндэтгэлийн үйл ажиллагаа 2015 оны 12-р сарын 30-ны өдөр Crocus event Hall-д боллоо.

Шинэ жилийн арга хэмжээний үеэр ЭМСЯ-ны Стратегийн бодлого төлөвлөлтийн газрын дарга Р.Оюунханд болон эрүүл мэндийн бодлогын хэрэгжилтийг зохицуулах газрын дарга О.Баяр нар ирж тус эмнэлгийн хамт олонд шагнал гардууллаа. Үүнд:

Эрүүл хамгаалахын "тэргүүний ажилтан"цол тэмдгээр Лабораторын нэгдсэн тасгийн лаборант Д.Оюунсүрэн, Мэдээгүйжүүлэг эрчимт эмчилгээний тасгийн сувилагч Ш.Амардэлгэр, Эмчилгээний хоол судлалын тасгийн бэлтгэгч Д.Сарнайбаяр, Нүдний мэс заслын сувилагч Д.Даваа нар, ЭМСЯ-ны ЖУУХ БИЧИГ-ээр Хүний нөөцийн хөгжлийн албаны менежер Б.Альгирмаа, Зүрх судлалын тасгийн сувилагч М.Нарантуяа, Ариутгал халдваргүйтгэлийн тасгийн ариутгагч Д.Алимаа, Ариутгал халдваргүйтгэлийн тасгийн ариутгагчХ.Балжан нар, "Хөдөлмөрийн гавьяаны улаан тугийн одон"-гоор бөөр дотоод шүүрлийн эрхтэн судлалын тасгийн эрхлэгч С.Оюунгэрэл, "Алтан гадас одон"-гоор чих хамар хоолойн мэс заслын тасгийн эрхлэгч С.Бямбасүрэн, Ерөнхий мэс заслын тасгийн сувилагч Ц.Уранбилэг нар, "Хөдөлбөрийн хүндэт медаль"-аар Нүдний мэс заслын тасгийн их эмч П.Энхмаа, Мэдрэл судлалын тасгийн их эмч Д.Гэрэлтогтох нар тус тус шагнуулав.

Мөн эмнэлгийн зүгээс 2015 оны шилдгүүдийг тодруулан шагнаж урамшуулсан. Үүнд:

• “Ёс зүйг эрхэмлэгч хамт олон”-оор эмнэлгийн соёл үйлчилгээний алба
• “Сэтгэлд шингэсэн үйлчилгээг амжилттай хэрэгжүүлэгч хамт олон”-оор Харвалтын тасгийн хамт олон
• Чанарыг эрхэмлэгч хамт олон “Чанар 2015”-ын эзнээр Эрчимт эмчилгээний нэгдсэн тасгийн хамт олон
• “Шилдэг технологи-2015” мэргэжлийн багаар Ангиографийн оношилгоо эмчилгээний тасгийн мэргэжлийн баг
• “Сувилахуйн төлөө сайн үйлстэн” мэргэжлийн багаар Мэдрэлийн мэс заслын тасгийн мэргэжлийн баг
• “Ээлтэй үйлчилгээг нэвтрүүлэгч” мэргэжлийн багаарСэргээн засах эмчилгээний тасгийн хөдөлгөөн засал эмчилгээний мэргэжлийн баг тус тус шалгарсан.
• “Ирээдүйтэй шилдэг залуу эмч"-ээр Ерөнхий мэс заслын тасгийн их эмч Ц.Лочин
• “Оны шилдэг эмч”-ээр Мэдээгүйжүүлэг эрчимт эмчилгээний тасгийн их эмч О.Цэцэгээ
• “Оны шилдэг сувилагч, эмнэлгийн мэргэжилтэн”-ээр Лабораторын нэгдсэн тасгийн лаборант Ч.Мөнхжаргал
• “Оны шилдэг ажилтан”-аар Инженер техник, хангамж аж ахуйн албаны барилгын засалчин Б.Жаргалсайхан нар шалгаран шагнал хүртэв.