Улсын гуравдугаар төв эмнэлгийн санаачилгаар “Цусны даралт ихсэлтийн эсрэг аян”-ыг Хаан Банкны “ХААН БАНК САН”-гийн дэмжлэг санхүүжилттэйгээр хамтран хэрэгжүүлэхээр 2017 оны 05 сарын 17-ны өдөр энэхүү аяны нээлтийн үйл ажиллагааг албан ёсоор эхлүүлж, аяны хүрээнд ард иргэдийн дунд цусны даралт ихсэх өвчний эрт илрүүлэг хийх, “Хаан Банк”-ны 4 тооцооны төвд цусны даралт хэмжих буланг нээж харилцагч, үйлчлүүлэгчдийн дунд эрүүл амьдралын зөв дадал, хандлагыг түгээн дэлгэрүүлэх, сургалт сурталчилгааны олон талт үйл ажиллагааг үе шаттайгаар зохион байгуулах ажлыг эхлүүлсэн нь эдүгээ үр дүнгээ өгч байна. Энэхүү үйл ажиллагааны дүнд хүн амын дунд тархины харвалт, зүрхний шигдээс, зүрхний дутагдлаас сэргийлэх нийгмийн эрүүл мэндийн зорилтот үйл ажиллагааг хамтран хэрэгжүүлж, 4,000 гаруй иргэнийг урьдчилан сэргийлэх үзлэгт хамруулан ажилласан.
ОЛОН УЛСЫН ТАВЦАНД МОНГОЛ УЛСЫН ЭМЧ НАР-2017
Улсын Гуравдугаар Төв Эмнэлэг нь БГД-ийн Онцгой байдлын хэлтэстэй хамтран 2018 оны 03 дугаар сарын 29-ний өдөр “Гамшгийн аюулын тухай зарлан мэдээллийн дохио дамжуулах” үзүүлэх сургуулалтыг зохион байгууллаа.
Улсын Гуравдугаар Төв Эмнэлэг Олон улсын эмч нарын өдрийг тохиолдуулан “Эмч мэргэжилтний нэрэмжит сар”-ын аян зохион байгуулж байгаа бөгөөд энэхүү аяны үйл ажиллагааны хүрээнд эмч, мэргэжилтнүүдийн мэдлэг, ур чадварыг тасралтгүй сайжруулах, хууль эрх зүйн мэдлэг, сахилга хариуцлагыг нэмэгдүүлэх, баг хамт олны хамтын ажиллагаа, идэвхи санаачлага, нэгдмэл байдлыг бүрэлдүүлэх зорилгоор 2018 оны 03 дугаар сарын 29-ны өдөр эмч, мэргэжилтнүүдийнхээ дунд АХА тэмцээн зохион байгууллаа.
Улсын гуравдугаар төв эмнэлэг эмч, эмнэлгийн мэргэжилтнүүдийнхээ хууль эрх зүйн мэдлэгийг дээшлүүлэх, шинээр батлагдан хэрэгжиж буй “Зөрчлийн тухай хууль”-ийн талаархи мэдлэг, мэдээллийг дээшлүүлэх зорилгоор 2018 оны 03 дугаар сарын 27-ний өдөр Нийслэлийн Цагдаагийн Газрын Урьдчилан сэргийлэх хэлтсийн ахлах мэргэжилтэн, Дэд хурандаа Б.Алтанзулыг урьж сургалт явууллаа.
Улсын Гуравдугаар Төв Эмнэлгийн эмч мэргэжилтнүүд Олон улсын эмч нарын өдөрт зориулсан “Эрдмийн чуулган-2018” уламжлалт эрдэм шинжилгээний хурлаа 2018 оны 03 сарын 27-ны өдөр амжилттай зохион байгууллаа.
Сүрьеэ өвчинтэй тэмцэх үйл хэрэгт олон нийтийн анхаарлыг хандуулах, хүн бүрийн хүчин чармайлт чухал гэдгийг сурталчлан таниулах зорилгоор дэлхийн улс орнууд 1998 оноос хойш жил бүрийн гуравдугаар сарын 24-нд “Сүрьеэ өвчинтэй тэмцэх дэлхийн өдөр”-ийг тэмдэглэсээр иржээ.
Казах түмний Науризын уламжлалт их баярыг тохиолдуулан нийт казах иргэддээ Улсын гуравдугаар төв эмнэлгийн хамт олны өмнөөс чин сэтгэлийн баярын мэндчилгээ дэвшүүлж, хамгийн сайн сайхан бүхнийг хүсэн ерөөе.
Монгол улсын зөвлөх зэргийн эмч, Мэдрэлийн мэс заслын тасгийн их эмч Лхамжавын Аваажигмэд тандаа "Хөдөлмөрийн гавьяаны улаан тугийн одон"-гоор шагнагдсанд халуун баяр хүргэж, аз жаргал, сайн сайхан бүхнийг хүсэн ерөөе!
Улсын Гуравдугаар Төв Эмнэлэг нь ЭМС-ын 2013 оны 11 сарын 14-ны өдрийн 433 дугаар тушаалаар Монгол улсын хэмжээнд зүрх, тархины судсан дотуурх оношилгоо эмчилгээ болон зүрх мэдрэлийн эмнэлзүйн лавлагаа сургалтын чиглэлүүдээр нарийн мэргэжлийн лавлагаа шатлалын тусламж үйлчилгээ үзүүлэх үүрэг хүлээж ажилладаг бөгөөд энэ үйл ажиллагааны хүрээнд ижил үүрэг, чиглэлийн болон бусад шатлалын эмч, эмнэлгийн мэргэжилтнийг дээрх эмнэлзүйн чиглэлүүдээр чадавхижуулах сургалт зохион байгуулах, арга зүйн зөвлөмжөөр хангах үйл ажиллагааг тасралтгүй хэрэгжүүлэх үүрэг хариуцлага хүлээн ажилладаг юм.
2018 оны 03 дугаар сарын 12, 13-ны өдрүүдэд Н.А.Семашкогийн нэрэмжит ОХУ-ын Буриад улсын нэгдсэн эмнэлгийн ерөнхий эмч Е.Ю Лудупова тэргүүтэй удирдлагын баг болон эмч мэргэжилтний төлөөлөл Улсын Гуравдугаар Төв Эмнэлгийн үйл ажиллагаатай танилцан, туршлага судлаж хамтран ажиллалаа.
Дэлхий нийтэд жил бүр сүрьеэгийн 10.4 сая орчим тохиолдол шинээр бүртгэгддэг бол 1.8 сая хүн уг өвчний улмаас хорвоог орхиж, одоогоор дэлхийн нийтийн нас баралтын тэргүүлэх 10 шалтгааны нэгээр тооцогдож байна. Сүрьеэтэй тэмцэх үйл хэрэгт олон нийтийн анхаарлыг хандуулах, хүн бүрийн хүчин чармайлт чухал гэдгийг сурталчлан таниулах зорилгоор дэлхийн улс орнууд 1998 оноос хойш жил бүрийн 03 дугаар сарын 24-ны өдрийг “Сүрьеэ өвчинтэй тэмцэх дэлхийн өдөр” болгон тэмдэглэн иржээ.
Улсын Гуравдугаар Төв Эмнэлэг дээр Монгол Улсын Засгийн газар, Люксембургийн Их Гүнт Улсын Засгийн газар хооронд байгуулсан хамтын ажиллагааны дагуу “Монголын Зүрх судасны төв, Зүрх судасны тусламж үйлчилгээг уялдуулан сайжруулах нь” МОН/006 төсөл хэрэгжиж байгаа билээ.
Монгол улсын Төрийн дээд шагнал "Эрүүлийг хамгаалахын гавъяат ажилтан"-аар шагнагдлаа
Улсын гуравдугаар төв эмнэлгийн Гамшгаас хамгаалах штаб, БГД-ийн Онцгой Байдлын Хэлтэстэй хамтран 2018 оны 03 дугаар сарын 14-ний өдөр “Гал түймэр, гамшиг ослоос урьдчилан сэргийлэх сургалт”-ыг зохион байгуулж, нийт 318 эмч, ажилчид оролцлоо.
2018 оны 03 сарын 14-ны өдөр Улсын Гуравдугаар Төв Эмнэлэгт иргэд, үйлчлүүлэгчдийг чихрийн шижин өвчнөөс урьдчилан сэргийлэх зорилго бүхий “Anti–Diabetes” төслийн нээлтийн арга хэмжээ болж, төслийг хэрэгжүүлэн хамтран ажиллах хамтын ажиллагааны санамж бичигт Улсын Гуравдугаар Төв Эмнэлгийн дарга Ц. Төмөр-Очир, “JCI CENTRAL” салбар байгууллагын 2018 оны ерөнхийлөгч Б. Бямбажаргал нар гарын үсэг зурж төслийг эхлүүллээ.
Манай улсад анх 2009 оноос тэмдэглэж эхэлсэн бөгөөд энэ жил “Бөөр ба эмэгтэйчүүдийн эрүүл мэнд” уриан доор зохиогдож байна.
Улсын Гуравдугаар Төв Эмнэлгийн Диабетийн Төвөөс “Чихрийн шижин өвчний хүндрэлээс урьдчилан сэргийлье” сэдэвт өдөрлөгийг 2018 оны 02 сарын 28 өдөр зохион байгууллаа.
Ирээдүйг сонсохын тулд одооноос эхэлж сонсголоо хамгаалъя
2018 онд Эрүүл мэндийн салбарт “Эрүүл мэндийн даатгалыг Иргэн бүрт” уриаг дэвшүүлэн ажиллаж байгаа билээ. Энэ хүрээнд тус эмнэлгийн 2018 оны 02 сарын 27-ны өдрийн эмч нарын өглөөний ярианд Япон улсын олон улсын хамтын ажиллагааны нийгэмлэг (ЖАЙКА)-ийн Монголд хэрэгжүүлж буй “Нийгмийн даатгалын үйл ажиллагааны чадавхийг бэхжүүлэх” төслийн ахлах зөвлөх ноён Ямашита Мамору “Японы эрүүл мэндийн даатгалын тогтолцоо” сэдвээр сонирхолтой лекц уншиж сонордууллаа.